MAGAZINË /

Spanja përmbys gjithçka përballë Gjeorgjisë! Kalon në çerekfinale me goleadë

Spanja arriti të përmbyste rezultatin përballë Gjeorgjisë, duke u kualifikuar kështu në çerekfinale të "Euro 2024" duke dhënë një "mesazh force" për rivalët e tyre të ardhshëm.

Shkruar nga Versus
Spanja përmbys gjithçka përballë Gjeorgjisë! Kalon
Momenti i golit të Nico Williams

Kur u duk se Gjeorgjia mund të ishte surpriza e këtij europiani, pasi arriti deri në fazën me eleminim direkt dhe sonte kaloi në avantazh që në minutën ’21 me një autogol përballë Spanjës, kjo e fundit përmbysi gjithçka duke shënuar plot 4 herë.

Fillimisht, Rodri barazoi shifrat në minutën e 39-të duke çuar skuadrat në dhomën e zhveshjes nën rezultatin 1-1. Më pas me t’u rikthyer në fushë, Spanja doli në avantazh me Fabian Ruiz në minutën ’51 për të vazhduar më pas me Nico Williams në minutën ’75 dhe dani Olmos në minutën ’83.

Me këtë rezultat, shpresat e gjeorgjianëve u shuan. Spanja siguron kalimin në fazën tjetër, të çerekfinaleve ku mund të përballet në një “finale të parakohshme” me Gjermaninë. Nga ana tjetër gjeorgjianët, rezultuan të ishin skuadra surprizë e europianit, ku morën pjesë për herë të parë duke kaluar edhe fazën e grupeve. Versus.al

Tags:

euro 2024

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: