Kroacia e ka patur të vështirë të shprehë zhgënjimin për barazimin ndaj Shqipërisë në fund të ndeshjes që u zhvillua më 19 qershor.
Pavarësisht kësaj, trajneri kroat Zlatko Daliç përpiqet të ruajë optimizmin brenda grupit para përballjes me Italinë e cila do të jetë vendimtare për fatin e grupit. Daliç tha se ekipi i tij do të luajë për gjithçka ndaj Italisë sepse nuk ka asgjë për të humbur.
Sipas tij, problem i vetëm i ekipit është se çdo top i nisur nga aksioni i skuadrave kundërshtare, përfundon në rrjetë.
“Kemi mësuar të pranojmë edhe kritikat, ashtu si elozhet, pavarësisht se në shtatë vitet e mia si trajner ka pasur shumë suksese. Megjithatë, për mua nuk ka probleme, unë marrë përgjegjësitë e mia dhe vazhdoj përpara.
Jam i ndërgjegjshëm se kur marrim medalje, unë nuk kam rëndësi dhe e di se kur ndodh e kundërta vendosëm në shënjestër. Ndeshja ndaj Italisë për ne është gjithçka, fitorja na mban në kompeticion ndërsa humbja na nxjerr jashtë historisë. Problemi është se tashmë çdo goditje e kundërshtarit po përfundon në rrjetë”- tha trajneri kroat. Versus.al
