Luka Modriç, një prej veteranëve të Real Madrid i cili e ka shkruar emrin e tij me gërma të arta duke fituar trofeun e Champions League për të gjashtën herë, ka konfirmuar se do të jetë pjesë e galaktikëve edhe për sezonin e ardhshëm.
Edhe pse 38 vjeçar, kroati duket se do të vijojë të luajë në nivelin më të lartë të këtij sporti duke firmosur edhe një kontratë me kohëzgjatje 1 vjeçare.
Një mundësi të tillë e konfirmoi edhe presidenti i Realit, Florentino Perez gjatë festimeve për Championsin e 15-të të madrilenëve.
Ndërkohë, ish-futbollisti i Tottenhamit e ka bërë një postim në rrjetet sociale, përmes së cilit e ka lënë të hapur mundësinë e qëndrimit në Madrid.
“Shihemi në sezonin e ardhshëm, Madridista”, deklaroi Modric gjatë festimeve të madrilenëve për trofeun e Championsit. Versus.al
