Sulmuesi i Real Madridit, Rodrygo Goes ka reaguar në rrjetet sociale pasi nuk u përfshi në listën e 30 të nominuarve në garën për Topin e Artë 2024. Mbrëmë u publikua lista me 30 të nominuarit për Topin e Artë 2024, çmim i cili do të jepet më 28 tetor në Paris.
Në këtë listë nuk munguan emra yjesh që shihen si favorit për ta fituar si: Vinicius Junior, Rodri, Jude Bellingham, Kylian Mbappe dhe Erling Haaland.
Shtatë lojtarë të Real Madridit kanë hyrë në listën e ngushtë prej 30 lojtarësh për Topin e Artë, por braziliani Rodrygo nuk është njëri prej tyre.
Sulmuesi anësor i cili e përfundoi sezonin e kaluar me 17 gola dhe tetë asistime në 51 paraqitje për Los Blancos ka reaguar në rrjetet sociale.
Rodrygo reagoi në profilin e tij në Instagram, me vetëm dy ‘emoji’ ku shprehte befasinë e tij për mospërfshirjen në listë pavarësisht suksesit të arritur. Versus.al
