Sulmuesi i Kombëtares shqiptare, Myrto Uzuni, po kalon një moment të shkëlqyer me ekipin e Granadës në La Liga 2. Në ndeshjen e fundit përballë Kartagjenës, Uzuni ka shënuar tre gola, duke kontribuar në fitoren e ekipit të tij me rezultatin 4-1. Me këtë paraqitje, ai ka arritur një total prej 14 gola për këtë sezon, e gjithashtu ka regjistruar një asist.
Forma e shkëlqyer e Uzunit, i cili ka dhënë dhe shiritin e kapitenit në disa ndeshje, duke e bërë atë një idhull për tifozët e Granadës. Pasionin për të, e vërteton një ngjarje emocionuese nga një tifoz i ri nga Argjentina, i cili ka udhëtuar mbi 11,600 kilometra për të parë nga afër lojtarin e tij të preferuar.
Vogëlushi nga provinca e Tukaman bëri të pamundurën për të përjetuar momentin e tij të ëndrrës — takimin me Myrto Uzunin pas ndeshjes. Fatmirësisht, pas fitores, ai kishte mundësinë të takonte idhullin e tij. Uzuni e priti djaloshin me shumë zemërim, duke shkëmbyer disa fjalë dhe duke bërë një përqafim të ngrohtë.
Më e veçanta për djaloshin ishte momenti kur Uzuni firmosi fanellën e tij me numrin 10, që ai e kishte veshur gjatë ndeshjes, duke e bërë atë një kujtim të paharrueshëm.
Përveç performancës së shkëlqyer në fushë, Uzuni gjithashtu mori rolin e dirigjentit të korit të tifozëve pas përfundimit të ndeshjes, duke kënduar së bashku me ta himnin e Granadës, një shenjë e lidhjes së fortë që ka ndërtuar me fansat e tij. Pjesën më të madhe të vëmendjes e tërhoqi duke shfaqur entuziazëm dhe pasion për ekipin, duke e bërë atë një figurë të dashur për të gjithë.
View this post on Instagram
