MAGAZINË /

VIDEO/ Zbulohet pse të gjithë i kishin sytë nga tarraca në ndeshjen e djeshme, forcat speciale gjermane arrestuan tifozin e maskuar

Tifozi i maskuar kishte hipur të shihte ndeshjen në tarracën e stadiumit. Ai u arrestua nga forcat speciale pas përfundimit të ndeshjes.

Shkruar nga Versus
VIDEO/ Zbulohet pse të gjithë i kishin sytë nga tarraca në
Gyndogan, arbitri dhe portieri danez shohin personin e maskuar në tarracën e stadiumit

Mbrëmjen e djeshme, Gjermania fitoi me rezultatin 2-0 në ndeshjen kundër Danimarkës në Iduna Park duke siguruar edhe një biletë për në fazën çerefinale të Euro 2024.

Mbrëmja nuk ishte edhe aq e qetë për arbitrat apo lojtarët, për shkak të reshjeve të shumta të shiut në formë rrebeshi dhe rrufetë që ndërprenë lojën për 24 minuta.

Por kjo nuk ishte pengesa e vetme që ndeshja të vijonte normalisht. Fillimi i pjesës së dytë është vonuar për shkak se një person i panjohur i maskuar me çantë shpine ishte ngjitur në çatinë e stadiumit.

“Një person është ngjitur në çatinë e stadiumit në orën 22:27. Forcat e policisë morën pjesë për të folur me personin dhe për të siguruar kalimin e sigurt nga çatia. Për ta bërë këtë, helikopteri i policisë ndriçoi çatinë e stadiumit. Për momentin, nuk mund të jap informacion për motivin dhe identitetin e këtij njeriu”, tha zëdhënësi i policisë gjermane Peter Bandermann të shtunën.

Sot mediat gjermane, bënë me dije se bëhej fjalë për një 21-vjeçar nga Osnabruck, një qytet në veri të Dortmundit.  Ai është arrestuar nga policia, ndërsa mësohet se nuk pati rrezik për persona të tjerë në stadium. I riu i maskuar ishte arsyeja përse kapitenët e Gjermanisë dhe Danimarkës, Ilkay Gundogan dhe Kasper Schmeichel shikonin drejt çatisë së stadiumit të Dortmundit me gjyqtarin Oliver dhe ndoqën aksionin e policisë. Versus.al

Tags:

euro 2024

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: