Sylvinho do të jetë trajner i kombëtares shqiptare të futbollit deri në fund të vitit 2025. Braziliani ka firmosur së fundmi marrëveshjen me Federatën Shqiptare të Futbollit pas arritjes me sukses të synimit për të dërguar Shqipërinë në Euro 2024.
Firmosja e kësaj kontrate me kohëzgjatje 17 muaj, ka si objektiv kualifikimin e parë të Shqipërisë në finalet e Kupës së Botës.
Rinovimi i trajnerit Sylvinho dhe stafit të tij, i përbërë nga Dorival dhe Zabaleta u shoqërua edhe me rritje të pagës.
Nëse kontrata e mëparshme kishte vlerë 1,1 milionë euro, nga ku 750 mijë euro i përfitonte trajneri dhe pjesa tjetër ndahej për asistentët, tani shifra është më e lartë.
Vlera e përgjithshme e kontratës së re është rreth 1,5 milionë euro. Nga kjo shifër, 1 milionë euro do ti përfitojë trajneri Sylvinho dhe 500 mijë euro do të ndahen mes Dorival dhe Zabaletës.
Ashtu si në kontratën e mëparshme, stafi do të përfitojë bonus të konsiderueshëm nëse arrihet objektivi i kualifikimit në Botërorin 2026./ Versus.al
