Politikanët shqiptarë kanë uruar besimtarët myslimanë për festën e Kurban Bajramit.
“Shëndet dhe paqe” janë urimet kryesore të krerëve të politikës së vendit. Nëpërmjet një shkrimi në facebook, presidenti Bajram Begaj e cilëson Kurban Bajramin si “akt vullneti” me anë të të cilit kuptojmë madhështinë e Zotit.
“Përzemërsisht i uroj Kurban Bajramin besimtarëve myslimane shqiptarë! Kurban Bajrami bart mesazhin e sakrificës sublime duke mundur egoizmin, zemërimin dhe lakminë.
Kurban Bajrami është akt arsyeje dhe vullneti, me anë të të cilit ne kuptojmë madhështinë e mesazhit hyjnor dhe përpiqemi të përmbushim rolin tonë për të bërë të mira e për t’iu gjendur pranë atyre që nuk kanë mundësi. Vetëm ky reflektim i gjithsecilit bën të mundur një shoqëri më të mirë e më të drejtë. Gëzuar për shumë vjet Kurban Bajramin!”- shkruan Begaj.
Kryeparlamentarja Lindita Nikolla shprehet se Kurban Bajrami frymëzon që sakrificën për njëri-tjetrin ta bëjmë pjesë të jetës.
“Me rastin e Festës së Kurban Bajramit, uroj besimtarët myslimanë dhe qytetarët që festojnë e ndajnë me ta harenë e kësaj dite të bukur.
Kjo Ditë na frymëzon që dashurinë për Zotin ta kemi edhe për njeri-tjetrin, sakrificën në emër të Besimit ta bëjmë pjesë të jetës, përkushtimin ndaj Zotit ta tregojmë edhe ndaj atyre që kanë nevojë për ne.
Shëndet, gëzime e bekime për të gjithë!”- shprehet ajo.
Ndërsa urime pati edhe nga kryeministri Edi Rama, kryedemokrati, Sali Berisha, kryetari i PL Ilir Meta dhe deputetë demokratë. Versus.al
Cilët nga subjektet politike do të votoni në zgjedhjet e 11 majit 2025?
-
Partia Demokratike – Aleanca për Shqipërinë Madhështore
-
Lëvizja Bashkë (Arlind Qorri)
-
Lëvizja Atdheu
-
Partia Koalicioni Euroatlantik (Lulzim Basha)
-
Partia Socialiste
-
Koalicioni “Nisma Shqipëria Bëhet” (Adriatik Lapaj)
-
Aleanca Kombëtare
-
Aleanca Demokracia e Re
-
Koalicioni “Djathtas për Zhvillim” (Dashamir Shehi)
-
Partia Mundësia (Agron Shehaj)
-
Partia Socialdemokrate (Tom Doshi)
