Kryetari i Partisë Demokratike, Sali Berisha ishte njëri prej politikanëve shqiptarë që vazhdimisht gjatë fushatës zgjedhore në SHBA bënte thirrje që komuniteti shqiptar të votonte pro Donald Trump, i cili me votat e shumicës së amerikanëve u rikthye në pushtet.
Së fundmi, i pyetur nga gazetarët në emisionin "Now me Erla Mëhillin" nëse ka shpresë se me ardhjen e Trump në pushtet do t’i hiqet “non-grata” nga SHBA, Berisha u përgjigj duke thënë se një gjë të tillë e pret nga kushdo president të zgjidhet pasi sipas tij është një ‘grusht shteti’.
“Unë do e prisja nga cilido që do zgjidhej, pasi ky ishte një grusht shteti. Në doktrinën politike ajo që u bë ndaj opozitës shqiptare ishte grusht shteti brenda shtetit në një vend partner”- u shpreh ish-kryeministri.
Më tej lidhur me rolin e SHBA-ve në vendin tonë gjatë presidencës së Trump, kreu i PD tha se pret që me presidentin e ri të ketë një qasje tjetër ndaj qeverisjes aktuale të vendit, të cilën e cilësoi si “të korruptuar”.
“Shpresa është tjetërkund. Do shikojmë një Amerikë të vlerave dhe jo një Amerikë të Dumanëve, të Edi Ramës që mbështet narko shtetin. Një nga aktet më të rënda në historinë e marrëdhënieve mes dy vendeve është korruptimi i McGonigal nga Edi Rama. një ditë para gjyqit në Shqipëri vinte sekretari i Shtetit dhe u thoshte shqiptarëve se Edi Rama është i shkëlqyer ndërkohë që të nesërmen kishte gjyqin në Ëashington. Pati një devijim madhor nga vlerat universale që popujt dhe njerëzit e lirë ndajnë me njëri tjetrin”, deklaroi Berisha. Versus.al
