Pas një jave qetësie nga jeta politike dhe sot seanca e sotme plenare nisi me 30 minuta vonesë.
Seanca filloi pas u plotësua korumi i nevojshëm pasi deputetët kanë marrë 'pushimet' që ditën që nisi kampionati EURO 2024.
Për diskutimet lidhur me zgjedhësit referuar nenit 40/1 i rregullores së Parlamentit nen që disiplinon veprimtarinë parlamentare gjatë 'Javës së gjelbërt' koha në dispozicion të deputetëve sipas kryetares së seancës Ermonela Felaj është katër orë.
Gjatë seancës fjalën e mori dhe deputeti socialist Erion Braçe i cili kërkoi që të merren masa për mbrotjen e fermerëve.
''Është problem tregu, jo shitja. Mjafton t’ju them që desh u prish aleanca mes Polonisë dhe Ukrainës, për të mbrojtur bujqit polakë. Edhe ne duhet të mbrojmë bujqit tanë. Më ka dalë vetja nga qejfi duke folur katër vite pa ndalim për këtë gjë. Por, ka ardhur kohë, të mendohet seriozisht kjo gjë.
Nuk mundet ta dorëzoj unë sot shalqirin dhe pas 4 ditësh kur të më japin lekët, të më thonë që çmimi nuk është ai që kishe ti në mend. Jo për të linçuar furnizuesit, por për të dënuar abuzuesit” u shpreh Braçe.
Ndërsa deputeti i Partisë Demokratike Ervin Salinaj i shfaqur me bluzën e Kombëtares Shqiptare ironizoi deputetët e Partisë Socialiste.
“Sot gjithë sytë tek kombëtarja! Një Shqipëri që shkëlqen dhe disa përfaqësues që e kanë zhytyr Shqipërinë në lëngim e sot bëjnë sikur shqetësohen!” u shpreh deputeti demokrat.
