Seanca e së enjtes në Kuvendin e Shqipërisë u zhvillua në një atmosferë të qetë dhe, ndryshe nga zakonisht, u karakterizua nga momente humori dhe të qeshura mes deputetëve. Dy figurat që spikatën më shumë ishin Ulsi Manja dhe Antoneta Dhima, të cilët u kapën nga kamerat duke u gajasjeur me njëri-tjetrin, ndërsa foltorja ishte në funksion.
Kryeministri Edi Rama, sapo kthyer nga samiti i NATO-s, u shfaq i qetë dhe i relaksuar në sallë. Ndërkohë, ministrja Anila Denaj u fotografua duke biseduar me kolegen e saj, Mirela Kumbaro, duke dhënë sinjale të një komunikimi të ngrohtë institucional.
As Erion Braçe nuk mbeti pas – i njohur për stilin e tij të veçantë, ai ishte i pranishëm në seancë me syze dielli dhe veshje “cool”, duke tërhequr vëmendjen e mediave si zakonisht. /Versus.al
