Elisa Spiropali ka paralajmëruar sot strategjinë e re të Edi Ramës për zgjedhjet e vitit 2025.
Gjatë një bisede në TCH, Spiropali ka paralajmëruar se gati 80 për qind e ministrave dhe deputetëve të PS-së mund të mos jenë në listat e deputetëve për zgjedhjet e 2025.
Në këtë listë Spiropali futi edhe veten.
“Nuk është çështje kohe, është çështje objektivi se ku do të arrish. Ky sesion mbaron shumë shpejt dhe nis edhe sesioni i fundit për këtë legjislaturë.
Gjykuam që duhet tani. Komisioni për Mirëqeverisjen është një komision që ka për synim që të dalë me një plan veprimi.
Parlamenti ka gjithë tagrin dhe hapësirën që ia jep Kushtetuta që të mundësojë që si ekzekutivi, institucionet e pavarura dhe ato të krijuara me ligj të raportojnë për disa çështje që janë aty në sytë e të gjithëve: raporti i BE-së me rekomandimet përkatëse.
Kjo për ne nuk është çështje individësh apo identikitesh. Unë jam, mund të mos jem në Parlament apo në qeveri.
Treçereku i qeverisë apo i Parlamentit është dhe mund të mos jetë në Qeveri apo në Parlament. Ajo që mbetet dhe është e pandryshueshme është dëshira, vullneti dhe puna jonë për të lënë një Shqipëri më të fortë”, u shpreh Spiropali.
