Kreu i partisë shqiptare në Maqedoninë e Veriut, Ali Ahmeti (BDI), mbajti fjalën e tij në protestën e mbledhur për lirimin e ish-krerëve të UÇK-së.
Por teksa nënvizoi arritjet e UÇK-së dhe qëndrimin e tij ndaj akuzave të prokurorisë Speciale në Hagë, Ahmeti pati edhe një ‘thumbim’ për Kurtin me të cilin së fundmi ka patur përplasje duke e akuzuar atë se po përpiqej të ndërhynte në punët e brendshme të Maqedonisë së Veriut.
“Dua para jush të adresoj edhe një shqetësim, ka akoma në mesin tonë ca të pavetëdjshëm që u shërbejnë marrëdhënieve ruso-serbe dhe mbjellin ndasi duke shpërndarë propagandën dashakeqe pa qenë fare të vetëdijshëm që i shërbejnë Beogradit e Moskës.
Liria e Kosovës nuk është arenë për politika individuale, partiake e zgjedhore. Ne duhet të bashkohemi ashtu siç u bashkuam për Kosovën republikë, për Shqipërinë në NATO e BE, një Maqedoni euroatlantike e për shqiptarët në Mal të Zi. Ashtu duhet të bashkohemi edhe për lirinë e çlirimtarëve dhe për dinjitetin e UÇK”- tha Ahmeti. Versus.al
