Presidenti i Partisë së Lirisë, Ilir Meta duke folur për mediat ndërsa po i bashkohej protestës tek kryeministria është shprehur se, kjo mosbindje civile do të vazhdojë deri në rrëzimin e narkoregjimit.
Meta u shpreh, se ky është një regjim policesk, por shqiptarët nuk kanë ndërmend të frikësohen.
‘Ne do të qëndrojmë deri në përmbysjen e narkoregjimit, narkoshtetit, narkodrejtësisë, narkoekonomisë në mënyrë që vendi ti kthehet prodhimit, të mbështeten fermerët shqiptarë, të mbështeten fabrikat që prodhojnë në Shqipëri, për tregun dhe eksportet sepse po falimentojnë.
Edhe për shkak të kursit kriminal të përmbysur nga paratë e drogës dhe pastrimit të parave, por edhe nga politikat e qëllimta për të falimentuar fabrika, e prodhues e favorizuar importuesit.
Kjo është një qeveri policeske, një regjim policesk që nuk ka asnjë lidhje me shtetin e të drejtës, dhe njëkohësisht mos të harrojmë që është një regjim patronazhistës, survejuesish, intimiduesish të qytetarëve, kudo.
Shqiptarët po tregojnë se nuk kanë ndërmend as të intimidohen e as të frikësohen.’, tha Meta.
