Ambasadori i OSBE-ODIHR, Lamberto Zannier ka mbajtur një konferencë për mediat për të njoftuar hapjen e misionit të vëzhgimit të zgjedhjeve të 11 majit.
Ai renditi disa prej objektivave të OSBE dhe pikat që do të vëzhgohen gjatë këtyre zgjedhjeve.
“Objektivi është të vlerësojmë nëse këto zgjedhje do jenë në përputhje me angazhimet që ka marrë Shqipëria në lidhje me OSBE dhe nëse janë në përputhje me legjislacionin vendas dhe ndërkombëtar.
Për arritjen e këtij objektivi, do monitorojmë nga afër të gjitha veprimtaritë që lidhen me zgjedhjet siç janë;
Zbatimi i kuadrit ligjor
Fushata edhe në rrjetet sociale
Zgjidhja e mosmarrëveshjeve
Pasqyrimi mediatik në përgjithësi”- u shpreh Zannier.
Ndërsa sa i takon task forcës së SPAK për montorimin dhe parandalimin e krimeve zgjedhore, Zannier tha se do ta shikojë personalisht këtë iniciativë të SPAK.
Në total, 26 vëzhgues afatgjatë do të angazhohen për zgjedhjet e 11 majit duke nisur që nga data 11 prill kur nis edhe zyrtarisht fushata elektorale në vend. Ndërsa 300 vëzhgues të tjerë do jenë afatshkurtër. Versus.al
