Deputetët e opozitës janë rikthyer në mbledhjen e Komisionit Hetimor duke thyer kështu bojkotin e nisur që pas arrestimit të Salianjit.
Në hyrje, ka pasur përplasje mes kryetares së komisionit hetimor të Sterilizimit mes kryetares Albana Vokshi dhe punonjësve të gardës. Vokshi tha se ka pasur urdhër që Garda të ndalonte deputetët e opozitës ndërsa theksoi se mbledhjet e zhvilluara javën e kaluar janë “nul” pasi nuk janë dakordësuar me opozitën.
“Ka tentativë për të marrë peng procedurën e këtij komisioni. Si mund të bëhen mbledhjet e Komisionit Hetimor pa pyetur asnjë dëshmitar? Asnjë nga mbledhjet e javës së shkuar nuk ka qenë e dakordësuar. Mos provokoni me Gardën që ndalon tek dera deputetët”- tha Vokshi.
“Ato katër orë ishin vetëm mesazhi i parë që ju dhamë juve, Edi Ramës dhe gjithë hajdutëve”- u shpreh Vokshi ndër të tjera.
Nga ana tjetër, deputeti socialist, Plarent Ndreca e akuzoi duke thënë se mbledhjen e komisionit po e kthente në mbledhje partie. Versus.al
