Është zbardhur dokumenti zyrtar mbi përbërjen e komisionit të Reformës Zgjedhore që do të monitorohet edhe nga vëzhgues të OSBE-ODIHR, përfaqësues të BE dhe SHBA-ve. Komisioni do të ketë 2 bashkëkryetarë nga PS dhe PD, ndërsa është ngritur edhe një grup ekspertësh teknikë.
Në total do të ketë 16 anëtarë, prej të cilëve 7 do të jenë nga Partia Demokratike, përfshirë këtu 1 nga Partia Republikane dhe Partia e Lirisë dhe 7 të tjerë nga Partia Socialiste e cila i ka lënë një vend një deputeti të PSD-së së Tom Doshit.
Gjithashtu pjesë e komisionit do të jenë edhe dy partitë e Adriatik Lapajt dhe Arlind Qorit, deputetët e të cilave do të knë të drejtën e propozimeve, por nuk do të kenë të drejtë vote.
Pritet që komisioni të votojë ngritjen e komisionit gjatë seancës plenare të 30 tetorit. Ndërsa bashkëkryetarë do jenë Oerd Bylykbashi e Damian Gjiknuri, komisioni do të ketë 9 muaj si afat pune. Versus.al
