E Ngarkuara me Punë e ambasadës së SHBA-së, Nancy VanHorn ka mbërritur në Ministrinë e Brendshme ku do të zhvillojë një takim me titullarin e kësaj ministrie, Ervin Hoxha, një ditë pas arrestimit të ish-presidentit Ilir Meta.
Katër ditë para arrestimit të Ilir Metës, E Ngarkuara me Punë e ambasadës amerikane zhvilloi një takim me kreun e SPAK, Altin Dumanin.
Pas takimit në një reagim të saj ambasada shkroi se VanHorn vlerësoi arritjet e SPAK në ndjekjen penale të korrupsionit dhe krimit të organizuar në nivele më të larta duke shtuar se si SPAK dhe BKH nuk mund ta kryejnë këtë punë vetëm dhe duhet të mbështeten tek institucione si policia, gjykatat, zyrat e prokurorisë, zyrat e vetting-ut, inspektoratet dhe këshillat që bëjnë pjesën e tyre me pavarësi, përkushtim dhe integritet.
Para takimit me VanHorn, ministri Hoxha zhvilloi dhe një takim me kreun e SPAK, Altin Dumani.
Mësohet se diskutimet në takimin mes tyre kanë qenë për thellimin e bashkëpunimit mes SPAK-ut dhe policisë dhe besueshmërisë mes palëve. /Versus.al
