Kryetari i ‘Shqipëria Bëhet’, Adriatik Lapaj ka vijuar me protestën e nisur që prej 8 dhjetorit para kryeministrisë ku kërkon dorëheqjen e Edi Ramës pas skandaleve të bëra publike.
Këtë herë, Lapaj ka folur për disa prej fenomeneve negative të shoqërisë shqiptare të cilat sipas tij po e lënë vendin në këtë gjendje me skandale të vazhdueshme dhe institucione që nuk duan t’ja dinë më për qytetarët. Sipas tij, shitja e votës, presioni nga të fortët apo dhënia e votës për një vend pune në administratë, janë shkaku i situatës ku ndodhet vendi.
“Ata që kanë shitur votën kanë bërë një Pazar tek i cilia ta që kanë shitur votën nuk kërkojnë më llogari dhe ata që e kanë blerë e trajtojnë si Pazar të bërë. Vota është themeli. Shitja e votës është fatalitet. Shitja e votës është shkaku i pronave që vidhen, shkaku i dhunës që ndodh, i mosdëgjimit nga institucionet. Kërcënimi i votës është shkak për këto që ndodhin. Të fortët që i detyrojnë qytetarët të votojnë ndryshe nga sa ata besojnë janë shkak i gjendjes ku është Shqipëria. Janë shkak përse bandat qeverisin këtë vend. Janë shkak pse bien tunelet në këtë vend. Dhënia e votës për një vend pune në administratë është kurthi që ju mban peng të gjithëve dhe na mban peng të gjithëve”- u shpreh Lapaj. Versus.al
