Ministri i Drejtësisë Ulsi Manja ka komentuar përplasjet e deputetëve të opozitës me oficerët e FNSH jashtë godinës së Kuvendit ku pati edhe protestues të cilët u zhvendosën nga protesta që po zhvillohej para bashkisë.
Në “Top Story”, Manja mohoi që efektivët e policisë të kishin qenë brenda rrethimit të parlamentit, pavarësisht se u duk qartë që përplasja mes tyre dhe deputetëve demokratë ishte pak metra larg hyrjes së institucionit. Të kundërtën pretendoi analisti Arion Sulo i cili debati me ministrin.
Pjesë nga debati në studio:
Sulo: Sot, ju si qeveri akuzoheni se keni bërë puç kushtetues, duke marrë Policinë e Shtetit brenda rrethimit të parlamentit
Manja: Jashtë rrethimit! Nxirre ta shohim
Sulo: Brenda rrethimit
Manja: Nxirre mo ta shohim
Sulo: Po e mohove këtë, nuk ka emision
Manja: Unë kam qenë brenda në Parlament. Hajde ta shohim. Ku është kjo pamja? Është jashtë rrethimit
Sulo: Është te shkallët kryesore mo! Seriozisht e ke?
Manja: Jashtë traut është përplasja me Policinë
Sulo: Mos mo burrë se është turp i madh
Duma: Po pse me deputetët?
Sulo: Jo, nuk duhet të jetë fare Grida. Policia është e shtetit, nuk është e pushtetit
Manja: Ja ku e ke, është jashtë
Sulo: Do të bëhesh meme për këtë
Manja: Meme për gënjeshtra bëhen ata që mohojnë dhunën dhe karriget drejt deputetëve.
Ditën e djeshme, deputetët e PD pas përplasjes me policinë dorëzuan padi në SPAK për disa efektivë policie, punonjës të Gardës si dhe kryeparlamentaren Elisa Spiropali nën akuzën e pengimit të ushtrimit të detyrës publike të tyre si deputetë. Versus.al
