Dy ditë parë zgjedhjeve të 11 majit, ambasada e Shteteve të Bashkuara të Amerikës në Tiranë, ka bërë një tjetër reagim në rrjetet sociale.
Ndërkohë që kanë munguar daljet publike nga përfaqësues të ambasadës amerikane lidhur me zgjedhjet e 11 majit, kjo është e disata herë që faqja e përfaqësisë diplomatike shpërndan mesazhe të tilla për qytetarët.
"Vota jote është zëri yt. Vota jote është e ardhmja jote. Vota jote nuk ka çmim"- shkruhet në postimin e ambasadës amerikane.
Që pas ndryshimit të administratës qeverisëse në SHBA, nuk ka pasur deklarata të shpeshta nga ambasada amerikane lidhur me reformën në drejtësi apo për procesin e demokratizimit të vendit. Ndërkohë që ende nuk ka një ambasador të mandatuar nga kongresi për të ardhur në Shqipëri. Versus.al
