Pas vendimit të Prokurorisë për të mbyllur hetimet për dosjen e rihapur të “Xibrakës”, ka reaguar edhe deputeti demokrat Gazment Bardhi. Hetimet rinisën nëntë vite pas përfundimit të tyre dhe zbulimit të laboratorit të kokainës, ku u vunë në prangat e policisë tetë persona, pas një informacioni të dërguar nga deputeti Gazment Bardhi, i cili pretendoi përfshirjen e shtetasit, Ols Rama në veprimtari të paligjshme.
Por, sipas hetimeve Olsi Rama nuk ka qenë i përfshirë në këtë çështje.
Në reagimin e tij, Gazment Bardhi hedh akuza ndaj Prokurorisë duke prentenduar se nuk ka kryer procedurat e nevojshme në këtë hetim.
“Vendimin e SPAK për hetimin ndaj Olsi Ramës a kam paralajmëruar. I kuptoj Prokurorët pasi janë të kërcënuar nga pushteti i Edi Ramës”, thotë Bardhi, në videon e publikuar në rrjetin social “Facebook”. /Versus.al/
