Komuniteti i Meinheim në shtetin gjerman të Baden-Württemberg është tronditur, pasi në një zonë me një rreze prej vetëm 20 kilometrash, brenda katër muajve u regjistruan katër gra të vrara thuajse në mënyrë të ngjashme.
Viktima e fundit është gjetur në fillim të kësaj jave, por nuk ka asnjë gjurmë të autorit. Të hënën në mëngjes, trupi u gjet në një shteg pylli pranë hipodromit të Meinheim dhe policia tha se viktima është një grua 51-vjeçare.
Kërkimi për Soko Ramus është duke vijuar, shkruan gazeta gjermane Bild. Autoritetet policore vlerësojnë se gruaja “mund të ketë qenë viktimë e një krimi pasioni”.
“Përveç ekspertizës mjeko-ligjore në vendin ku është gjetur gruaja, me hetimin mjeko-ligjor duhet të merren parasysh edhe rezultatet e autopsisë”, ka nxituar të thotë një përfaqësues i policisë.
A qëndron një vrasës serial pas katër viktimave?
Zbulimi i trupit të Ramus shkaktoi shqetësim të madh te banorët, duke rritur frikën për një vrasës serial që endet në zonë. Vetëm katër javë më parë, një 36-vjeçare nënë e dy fëmijëve ishte goditur me thikë për vdekje në Lambertheim, Hesse.
Trupi i saj i pajetë u zbulua gjithashtu në një pyll, vetëm 20 kilometra nga vendi ku ishte gjetur viktima e mëparshme. 36-vjeçarja ishte shtrirë përtokë mes pemëve dhe degëve e deri më tani, asnjë autor nuk është arrestuar.
Të martën e kaluar, megjithatë, policia nxitoi të sqaronte se, "sipas gjendjes aktuale të hetimit, nuk ka asnjë provë për një lidhje me vrasjen në Lambertheim".
Në qershor, rasti i 40-vjeçares Aigul S., e cila u gjet e vrarë në Bensheim, Hesse , shkaktoi bujë publike, pasi gruaja kazake po e çonte vajzën e saj dyvjeçare Jacqueline në kopsht, kur ajo u zhduk pa gjurmë.
Pothuajse dy javë më vonë, trupi i të resë u gjet pranë një pellgu guroreje. Aigul S. fillimisht u konsiderua e zhdukur derisa trupi i saj i pajetë u gjet në zonën Erlache, një liqen pranë Bensheim.
Në të njëjtën kohë që Aigul u zhduk, i humbën edhe gjurmët e vjehrrës së saj 49-vjeçare. Tani ka indikacione se ajo mund të jetë jashtë vendit, por për arsye taktike nuk dihet nëse vjehrra është e dyshuar. As për këtë rast nuk është bërë asnjë arrestim.
Vetëm një ditë më vonë, më 17 qershor, autoritetet gjetën trupin e një vajze 15-vjeçare në brigjet e Rhine pranë Worms, në shtetin Rhineland-Pfalz.
15-vjeçari Rokia ishte mbytur, por një autopsi zbuloi se adoleshentja kishte qenë viktimë e "dhunës masive" para vdekjes së saj. Për shkak të deklaratave kontradiktore, prindërit e vajzës, të cilët ishin me origjinë nga Afganistani, u vunë shpejt në qendër të hetimeve.
Një gjykatës ka cilësuar nënën dhe babanë e saj si të dyshuar dhe i ka lënë në paraburgim për vrasje. Motivi i gjyqtares ishte se mesa duket prindërit e saj nuk ishin dakord që vajza e tyre të bënte një jetë të lirë.
