Një ngjarje e rëndë ka ndodhur mesditën e sotëm në fshatin Dojan, Tropojë. Sipas njoftimit të policisë dyshohet se 35 vjeçari Flordian Mulaj, në gjendje të dehur ka qëlluar me armë zjarri shokun e tij, 43 vjeç, Artur Dautit pas një sherri për motive të dobëta.
Autori i cili është shapllur në kërkim dhe viktima kanë qenë duke pirë në lokalin kur dhe ndodhi sherri. Më pas autori ka shkuar në shtëpi ka marrë armën e zjarrit dhe është rikthyer në lokal dhe ka qëlluar Duatin i cili ndërroi jetë në vendngjarje për shkak të plagëve të marra.
Në drejtim të Tropojës janë nisur forcat operacionale të DVP Kukës, specialistët e Hetimit të Krimeve, dhe dy grupe të Forcës Kombëtare të Sigurisë Njësia Shkodër, për lokalizimin dhe kapjen e autorit.
Njoftimi i policisë:
Rreth orës 13:40, në një lokal në fshatin Dojan, dyshohet se shtetasi F. M., rreth 35 vjeç, për motive të dobëta, ka qëlluar me armë zjarri shtetasin A. D., rreth 43 vjeç, i cili për pasojë ka ndërruar jetë.
Në drejtim të Tropojës janë nisur forcat operacionale të DVP Kukës, specialistët e Hetimit të Krimeve, dhe dy grupe të Forcës Kombëtare të Sigurisë Njësia Shkodër, për lokalizimin dhe kapjen e autorit.
Ndërkohë, grupi hetimor nën drejtimin e Prokurorisë vijon punën për zbardhjen dhe dokumentimin e plotë ligjor të këtij rasti, si dhe shoqërimin e personave të tjerë të përfshirë në këtë ngjarje./Versus.al
