Një shtetas shqiptar mësohet se ka mbetur i plagosur, pasi është qëlluar disa herë më armë zjarri. Në vendngjarje policia gjeti disa gëzhoja. Ngjarja ka ndodhur pak pas orës 18:00 në “Omonia”, në kryqëzimin e rrugëve “Kretis” dhe “Akominatou” në Athinë.
Informacionet e para flasin për një të plagosur, por policia nuk arriti të gjejë askënd në vendngjarje. Më vonë, një shqiptar me një plagë depërtuese në shpatull, i identifikuar si Florian Bajaktari, 36 vjeç nga Tirana.u paraqit në Spitalin “Laiko” dhe aktualisht po i nënshtrohet një operacioni.
Sipas të dhënave të deritanishme, dyshohet se ndaj tij është hapur zjar nga një fuoristradë, ndërsa ai ndodhej në një kafene. Nga analiza e gëzhojave të gjetura, policia e konsideron ngjarjen si një atentat, pasi ai është qëlluar 7 herë nga një makinë Jeep.
Hetimet sugjerojnë se sulmi mund të jetë kryer nga vrasës me pagesë, dhe ekziston mundësia që Flori të ketë qenë objektivi i gabuar. Ai ka një të kaluar kriminale, duke qenë se ka qenë në burg për vrasje dhe sipas mediave greke është me origjinë nga veriu i Shqipërisë. Në vitin 2006 Florian Bajraktari është arrestuar për vrasje në bashkëpunim, ngjarje e ndodhur ne Lasithiou, Greqi. Është liruar me kusht në vitin 2018 dhe në vitin 2020 është arrestuar në Kalithea të Athinës për lojëra fati.
Autoritetet vazhdojnë hetimet për të sqaruar rrethanat e ngjarjes dhe për të identifikuar autorët e mundshëm.
