Një ditë pasi SPAK goditi dy grupe kriminale të narkotrafikut në jug të vendit, mësohet se kanë qenë të paktën 4 oficerë policie të përfshirë në aktivitetin e paligjshëm të këtyre dy grupve që xhironin miliona euro kabanis. Personat që po shikoni në foto janë tre zyrtarët e Policisë së Shtetit dhe ish-efektivi, për të cilët Gjykata e Posaçme Kundër Korrupsionit dhe Krimit të Organizuar, ka lëshuar masa “arrest me burg”. Për tre prej tyre është ekzekutuar masa e sigurisë, ndërsa njëri është shpallur në kërkim. Në pranga është vënë Ervis Alisinanaj shefi i krimeve Lushnjë, Shkëlzen Ruska shefi i krimeve Himarë dhe Elvis Dervishi shefi i policisë kufitare Sarandë, është shpallur në kërkim. Pjesë e strukturave të policisë që kanë ndihmuar krimin ka qenë dhe Erdit Hazizaj efektiv policie deri në 2022.
Ndërsa sot SPAK bëri të ditur të gjithë skemën e strukturës kriminale dhe rolet edhe të shefave të lartë të policisë, Drejtoria e Përgjithshme e Policisë së Shtetit ka bërë menjëherë pezullimin pa pagesë të tre punonjësve të policisë, konkretisht:
• Shkelzen Ruska, me detyrë Shef i Seksionit për Hetimin e Krimeve në Komisariatin e Policisë Himarë.
• Ervis Alisinaj, me detyrë Shef i Seksionit për Hetimin e Krimeve në Komisariatin e Policisë Lushnjë.
• Elvis Dervishi, me detyrë Shef i Komisariatit të Policisë Kufitare Sarandë, i shpallur në kërkim.
Ndaj këtyre punonjësve edhe Drejtoria e Standardeve Profesionale ka nisur hetimin disiplinor për shkelje të rëndë.
NJOTIMI I PLOTE
Në vijim të veprimeve të kryera në kuadër të operacionit policor të zhvilluar nga SPAK, BKH, AMP dhe Policia e Shtetit, në funksion të procedimit penal nr. 169 të vitit 2022, ku gjatë operacionit u arrestuan dy punonjës policie dhe një tjetër u shpall në kërkim, ju informojmë se:
Drejtoria e Standardeve Profesionale në DPPSH, bazuar në nenin 121 të Ligjit 82/2024 “Për Policinë e Shtetit” dhe në nenin 222 të Rregullores së Policisë, ka bërë menjëherë pezullimin pa pagesë të tre punonjësve të policisë, konkretisht:
• Shkelzen Ruska, me detyrë Shef i Seksionit për Hetimin e Krimeve në Komisariatin e Policisë Himarë.
• Ervis Alisinaj, me detyrë Shef i Seksionit për Hetimin e Krimeve në Komisariatin e Policisë Lushnjë.
• Elvis Dervishi, me detyrë Shef i Komisariatit të Policisë Kufitare Sarandë, i shpallur në kërkim.
Gjithashtu, Drejtoria e Standardeve Profesionale ka nisur hetimin disiplinor për shkelje të rëndë ndaj këtyre punonjësve.
Policia e Shtetit vijon bashkëpunimin me të gjitha agjencitë ligjzbatuese për evidentimin dhe largimin nga radhët e saj të punonjësve që cenojnë imazhin e Organizatës së Policisë së Shtetit.
