Dy fëmijë 9 vjeçarë dyshohet se janë shkaktarët e zjarrit apokaliptik që u rregjistrua pasditen e së premtes në lagjen “Ndoc Mazi” të Shkodrës. Gjuhët e flakëve përpinë 25 njësi tregtare që ishin brenda tregut si 5 banesa që ishin në zonë.
Fëmijët, dyshohet se kanë qenë duke luajtur në afërsi të tregut të rrobavetë përdoruara, kur zjarri ju ka dalë nga kontrolli, duke shkatërruar gjithçka i doli përpara për disa orë.
Janë dashur saktësisht 4 orë ndërhyrja nga toka dhe nga ajri për të bërë të mundur shuarjen e flakëve në ndihmë të zjarrfikësve të Shkodrës kanë shkuar edhe ekipet nga Malësia e Madhe, Lezha, Ulqini dhe Tivari.
Nga flakët një banore e zonës dhe dy zjarrfikës kanë shfaqur probleme si pasojë e zjarrit dhe morën ndihmë mjekësore në spital.
