Elbasan- Trupa akademike e universitetit “Aleksandër Xhuvani” është “shkundur” nga një operacion policor nën dyshimin se kanë kryer veprën e korrupsionit pasiv duke marrë para në këmbim të notës kaluese për studentët.
Për pasojë 7 pedagogë janë pezulluar nga detyra dhe ndaj tyre ka nisur hetimi në gjendje të lirë nën akuzën e veprës penale “korrupsion pasiv”. Ndaj pedagogëve janë caktuar masat “detyrim paraqitje”. Bëhet fjalë për anëtarë të trupës akademike të fakultetit të edukimit për ciklin e ulët.
Emrat e pedagogëve:
VITI I PARË
1. Florinda Tarusha, Lënda: Filozofia e Edukimit të Fëmijërisë së hershme;
2. Monika Hodaj, Lënda: Edukimi gjinor në fëmijërinë e hershme;
VITI I DYTË
1. Ornela Bilali, Lënda: Arti dhe krijimtaria në fëmijërinë e hershme.
2. Zyhra Gripshi, Lënda: Puna me familjen dhe komunitetin.
3. Adrian Shingjergji, Lënda: Edukimi motorrik dhe lojërat lëvizore.
4. Beatriçe Gani, Lënda: Të mësuarit nëpërmjet lojës.
5. Edlira Gugu, Lënda: Letërsi për fëmijë.
Aksioni është zhvilluar në kuadër të fakteve të publikuara nga emisioni investigative “Stop” ku u zbulua sesi pedagogët merrnin para në këmbim të notave kaluese për studentët. Ndërkohë, në ambientet e universitetit ndodhen edhe efektivë të policisë të cilët po sekuestrojnë dokumentacionin e nevojshëm për vijimin e hetimeve. Versus.al
