Një ngjarje e rëndë është shënuar në një lulishte pranë Shën Mërisë në Korçë, ku një 56-vjeçar i identifikuar si Nesti Zhobro është arrestuar nga policia, pasi ka kryer veprime të turpshme me dy të mitura.
Vajzat e moshave 7 dhe 8 vjeç gjendeshin në park duke luajtur me njëra-tjetrën në momentin, kur i moshuari u është afruar.
56-vjeçari u ka shkuar pranë duke mos pretenduar qëllim të keq, por nga dëshmitë e të miturave është mësuar se ai ka tentuar t’i prekë në pjesë të ndryshme të trupit.
Sipas informacioneve, për Nesti Zhobron ky nuk është rasti i parë që ka kryer këto veprime, pasi është denoncur edhe më parë për veprën penale në fjalë.
Policia e arrestoi 56-vjeçarin pas denoncimit të prindërve të dy të miturave, ndërsa pritet të dalë para gjykatës për tu njohur në vijim me masën e sigurisë.
Gjatë seancës pritet të dalin në pah edhe detaje të tjera lidhur me hetimin dhe pretendimet e prokurorisë në lidhje me rastin në fjalë, apo edhe raste të mëparshme./ Versus.al
