Arrestohen dy persona të përfshirë në aksidentin ku humbi jetën fëmija 8-vjeçar në Peqin, i identifikuar si Enio Tabaku.
Në pranga kanë rënë dy drejtuesit e mjeteve, konkretisht shtetasit me iniciale M.P., dhe M.S., për veprën penale “Shkelja e rregullave të qarkullimit rrugor”, me pasojë vdekjen.
Elbasan/Informacion shtesë
Në vijim të veprimeve procedurale, në lidhje me aksidentin rrugor, të ndodhur mesditën e sotme, në aksin “Elbasan-Peqin”, në fshatin Pajovë, ku si pasojë humbi jetën i mituri 8 vjeç, ju bëjmë me dije se specialistët e Sektorit të Policisë Rrugore të DVP Elbasan arrestuan në flagrancë dy drejtuesit e automjeteve shtetasit M. P., 39 vjeç banues në Elbasan dhe M. S., 45 vjeç, për veprën penale “Shkelja e rregullave të qarkullimit rrugor”, me pasojë vdekjen, parashikuar nga neni 290/3 i Kodit Penal.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
