Uniformat blu arrestuan ditën e sotme, Elidon Kotorrin i njohur me nofkën ‘ tmerrshmi i Tiranës’ nën akuzën e kundërshtimit të punonjësve të policisë.
Incidenti ndodhi në fundjavë pasi Kotorrit ju kërkua nga policia të paraqitej në Komisariat.
Shkak për thirrjen e tij është bërë një e afërme me të cilën Elidon Kotorri kishte konflikte prej kohësh për shkak të një prone të përbashkët dhe të një ndërtimi.
Gruaja është paraqitur në komisariat dhe ka treguar se ishte përplasur me kushëririn që sipas saj e kishte ofenduar dhe kërcënuar.
Kur policia mbërriti në pronën e të dyve dhe tentoi ta shoqëronte Elidon Kotorrin, ai është konfliktuar me oficerët çka ka sjellë kërkesën e tyre për përforcime, duke e arrestuar në flagrancë.
Kotorri gjatë viteve 2000, ishte një nga emrat më të lakuar si një protagonist i një lufte të egër mes organizatave kryesore kriminale në kryeqytet, edhe për faktin se prokuroria herë e akuzonte për disa vrasje dhe herë e tërhiqte akuzën për ‘‘mungesë provash’.
Ai gjatë viteve 2000, ishte një nga emrat më të lakuar si një protagonist i një lufte të egër mes organizatave kryesore kriminale në kryeqytet, edhe për faktin se prokuroria herë e akuzonte për disa vrasje dhe herë e tërhiqte akuzën për ‘‘mungesë provash’./Versus.al
