Drejtoria e Përgjithshme e Shërbimit të Burgjeve ka kryer sot kontrolle të befasishme në burgun e Durrësit për gjetjen e sendeve të paligjshme në qelitë e të burgosurve.
Si pasojë e kontrollit nga forcat operacionale, janë gjetur 5 telefona në katin e tretë, sektorin 1 të burgut. Celularët janë gjetur pranë dyerve të dusheve. Siç mësohet, telefonat u përkisnin të dënuarve, Flamur Kapri, Aldo Prifti dhe Vladimir Ibrushit.
Ndërkohë vijojnë hetimet për të zbardhur se kujt i përkisnin 2 telefonat e tjerë të gjetur në dyert e dusheve.
Kujtojmë se në këtë burg mbahen të burgosur ose vuajnë dënimin ish-zyrtarë të lartë publikë si Erion Veliaj, Ilir Beqaj, Alqi Bllako e Jurgis Çyrbja. Versus.al
Poll
