Tiranë- Dervish Hasi, mjeku i arrestuar vitin e kaluar nën akuzën se shfrytëzonte një vajzë të mitur 16 vjeçe duke e prezantuar si bashkëshorten e tij të katërt, është dënuar me 15 muaj burg.
Gjykata rikualifikoi veprën penale pasi fillimisht Hasi u mor i pandehur për akuzën e pornografisë, por dënimi iu bë për dhunë në familje. Kujtojmë se mjeku u arrestua më 18 janar 2024 nga Komisariati nr.1 në Tiranë pasi akuzohej se prej 2 vitesh kishte shfrytëzuar një vajzë të mitur, tani 16-vjeçe, duke e prezantuar si bashkëshorten e tij të katërt.
Dervish Hasi, me profesion mjek kardiokirurg, në Sanatorium, spitali universitar "Shefqet Ndroqi" në Tiranë, i cili njihet si besimtar mysliman, kishte edhe 3 gra të tjera, të cilat i mbante në banesën e tij, duke u justifikuar se feja e tij islame e lejon diçka të tillë. Versus.al
