Drejtori i Përgjithshëm e Policisë së Shtetit, Ilir Proda, ka qenë sot i pranishëm ne komisonin parlamentar të Sigurisë Kombëtare.
Teksa është diskutuar projekt-buxheti për vitin e ardhshëm, Proda ka bërë një paqyrim të situatës aktuale përsa i përket mjeteve që përdoren nga punonjësit e policies.
Drejtori i Përgjithshëm i Policisë së Shtetit u shpreh se 50% e flotës së mjeteve është e amortizuar duke shtuar se momentalisht duhen 700 mjete.
‘’Mjetet me qira, kanë një kosto shumë të madhe. Dhe një pjesë e madhe janë amortizuar. Do ishte më mirë të kishim mjetet tona. Na duhen rreth 700 mjete. Duhet parë me prioritet shtesa për investim i mjeteve që duhen blerë. 50% e flotës së automjetve është e amortizuar duhen blerë automjetet se kemi kosto të mëdha me makinat me qira.’ u shpreh Proda.
Përsa i përket masakrës së Shkodrës, Proda u shpreh se shumë shpejt do të ketë rezultate konkrete për këtë ngjarje.
'Me garanci iu them se shumë shpejt për atë ngjarje do të kemi rezultate konkrete' .
Duke iu përgjigjur replikave dhe shqetësimeve të deputetëve të opozitës për situatën kriminale, bashkëpunimin e kriminelevë me policinë Proda bëri dhe një batutë.
Ilir Proda: Ata që kanë fituar të drejtën për tu emëruar garantoj janë oficerë me kontribute e jap garanci maksimale. Nuk më vjen mirë që diskutohet që grupet kriminale kanë mundësi të diskutojnë këtë apo atë drejtor. Po më duket vetja sikur dhe konkursi për përzgjedhjen time është bërë tek 313-ta me këtë histori që vazhdon. Ata janë oficerë me karrierë të gjatë dhe e kanë treguar me vepra e sot kanë fituar të drejtën për tu emëruar në detyrën e drejtorit. Të 15- të ata që janë shpallur fitues. Të gjithë ata që e kanë fituar të drejtën e kanë merituar dhe askush përvec meritës së tyre nuk qëndron prapa tyre./Versus.al
