Tiranë- Një operacion antidrogë është zhvilluar ditën e sotme nga policia e kryeqytetit. Pas një hetimi 3 mujor, u lëshuan 24 urdhër-arreste për personat e përfshirë në trafikun e drogës.
Gjatë një konference për mediat, drejtori i policisë së Tiranës, Tonin Vocaj bëri me dije se në total, janë arrestuar 19 persona ndërsa janë shpallur në kërkim 5 të tjerë për shitjen e drogërave pranë shkollave dhe lokaleve të natës.
Janë caktuar masat "arrest me burg" për:
Kevi Hida, Durim Kurti, Orterio Vila, Hamza Firi, Florjan Gjuta, Vasjan Xhaferllari, Armando Xheladini, Osman Idrizi, Ledio Koçi, Mariglen Kushe, Kevin Hoxha, Rezart Maqellara, Matias Selmani, Ramazan Shima, Denis Guci, Rudina Dajlani (Sopoti), Elvira Bushaj, Ardi Shehu, Brisea Kallushi.
Mes atyre të cilëve gjykata u ka caktuar masën “arrest me burg” është edhe Armando Xheladini i arrestuar në muajin maj për një vrasje të kryer në Greqi. Versus.al
