Elbasan- Një operacion policor i zhvilluar ditë më parë tronditi universitetin “Aleksandër Xhuvani” duke arrestuar disa pedagogë nën akuzën e korrupsionit pasiv. Sot policia ka dalë me një njoftim zyrtar lidhur me operacionin “Teza”, duke bërë me dije se 6 pedagogë janë arrestuar ndërsa një tjetër është shpallur në kërkim.
Në pranga kanë rënë pedagogët:
1. Florinda Tarusha, Lënda: Filozofia e Edukimit të Fëmijërisë së hershme;
2. Monika Hodaj, Lënda: Edukimi gjinor në fëmijërinë e hershme;
3. Ornela Bilali, Lënda: Arti dhe krijimtaria në fëmijërinë e hershme.
4. Zyhra Gripshi, Lënda: Puna me familjen dhe komunitetin.
5. Adrian Shingjergji, Lënda: Edukimi motorrik dhe lojërat lëvizore.
6. Beatriçe Gani, Lënda: Të mësuarit nëpërmjet lojës
Ndërsa në kërkim është pedagogia Edlira Gugu, 51 vjeçe.
Mësohet se ka qenë një emision investigativ që ka nxjerrë në pah skemën korruptive të mënyrës sesi funksionin provimet e lëndëve. Pedagogët kanë ndërhyrë për të kaluar në mënyrë të parregullt në provime një studente 31 vjeçare kundrejt pagesës me shuma parash cash.
Gazmend Hodaj ka qenë sekseri që merrte shumat e parave nga studentët tek pedagogët. Gjatë kontrolleve në zyrat e pedagogëve u gjetën dhe sekuestruan në cilësinë e provës materiale tezat e provimeve të studentes. Versus.al
