Tiranë- Alfred Peza nga sot nuk do të jetë më drejtor i Radio Televizionit Shqiptar (RTSH). Pas një viti në detyrë, sot televizioni publik njoftoi se Peza ka dorëzuar dorëheqjen e pakthyeshme në këshillin drejtues të institucionit.
Peza qëndroi në detyrë për më shumë se një vit pas zgjedhjes së tij në 13 qershor të 2023-it kur siguroi votat e 9 anëtarëve të këshillit drejtues, ndërsa ende nuk dihen arsyet që e kanë shtyrë të ndërmarrë këtë vendim. Në letrën e dorëheqjes së siguruar nga Versus.al, Peza nuk ka dhënë asnjë lloj arsyeje për këtë vendim.
Alfred Peza ka mbajtur edhe postin e deputetit të Partisë Socialiste përgjatë mandatit të parë të qeverisë Rama në legjislaturën 2013-2017. Ndaj Pezës ka patur akuza të vazhdueshme nga ana e opozitës që e konsideronte ish-deputetin një emërim në Ramës për të patur nën kontroll total RTSH-në. Versus.al
