Gjirokastër- Agjencia e Mbikëqyrjes Policore ka arrestuar në flagrancë inspektorin e policisë të identifikuar si Jaçe Reçka nën akuzë për 3 vepra penale, vjedhje, dhunë në familje dhe mbajtja pa leje e armëve shpërthyese.
Mësohet se shkak për arrestimin e tij është bërë një denoncim nga ish-bashkëshortja e cila ka pretenduar se efektivi i kishte hyrë në banesë duke shkelur edhe urdhrin e mbrojtjes.
Përveç kësaj, ajo e ka akuzuar efektivin se i kishte marrë në valixhen e saj në banesën jë shumë prej 5 milionë lekësh.
Gjatë kontrolleve të zhvilluara nga ana e AMP në banesën e kunatit të punonjësit të policisë, u gjet valixhja dhe një shumë parash prej 8 mijë eurosh të cilat u sekuestruan në cilësinë e provës materiale.
Në vazhdim të veprimeve nga kontrolli i banesës së tij në qytetin e Gjirokastrës, u gjetën dhe u sekuestruan një sasi prej 287 fishekësh pistolete të tipit TT, një dorezë metalike, një krehër me 7 fishekë dhe 1 palë pranga. Versus.al
