Një ngjarje e rëndë tronditi komunitetin italian ditën e Shën Valentinit, kur një 20-vjeçar me origjinë shqiptare, Renato Xyke, u arrestua si i dyshuar për vrasjen e bashkatdhetarit të tij, Kevin Muharremi.
Ngjarja ndodhi në orët e para të mëngjesit, pas një konflikti që, sipas hetimeve të para, kishte nisur brenda një lokali në Montopoli dhe përfundoi në rrugë disa kilometra më larg. Viktima u qëllua me armë zjarri dhe humbi jetën menjëherë, duke lënë shokë dhe qytetarë të tronditur.
Pas krimit, Xyke u largua me një automjet Range Rover Evoque të ngjyrës gri, por policia e karabinierëve të San Miniatos veproi me shpejtësi, duke mbledhur dëshmi, duke analizuar pamjet e kamerave dhe intervistuar dëshmitarët për të ndjekur gjurmët e tij.
Automjeti u lokalizua rreth mesditës në autostradën A1, pranë Arezzos, dhe Xyke u ndalua pa rezistencë. Ai ndodhej me familjen e tij, por vetëm Xyke u arrestua si i dyshuar kryesor.
Hetimet janë ende në vazhdim për të sqaruar motivin e vrasjes dhe marrëdhënien midis të rinjve, ndërsa hetuesit nuk përjashtojnë as mundësinë e ndonjë konflikti të mëparshëm. Sipas policisë, arma e përdorur nuk ishte me të gjatë ndalimit, dhe hapat e mëtejshëm ligjorë janë tashmë nën kompetencë të autoriteteve gjyqësore të Pizës.
Ngjarja, që ka tronditur qytetin dhe ka shënuar një ditë të dhimbshme për të rinjtë e përfshirë, nxjerr në pah përdorimin e armëve mes të rinjve dhe nevojën për hetime të shpejta dhe të plota për të parandaluar tragjedi të tjera./Versus.al
