Ilir Proda është prezantuar ditën e sotme si drejtor i ri Përgjithshëm i Policisë së Shtetit. Në një konferencë, ministri i Brendshëm Ervin Hoxha tha se pret që drejtuesi i ri të sjellë ritëm tjetër në polici dhe mbi të gjitha rezultate konkrete.
“Presim qëndrueshmërinë e rezultateve por rritje të shërbimit në të gjitha sektorët. Do të merren në konsideratë rezultatet e kujtdo. Ne duam të arrijmë ato objektiva që i konsiderojmë brenda rrezes së mundësive tona. Emërimi i drejtorit të ri do pasohet nga një sërë ndryshimesh në qendër që do plotësojmë kuadrin e reformave që kemi nisur. Promovimi në karrierë do bëhet nga meritokracia dhe integriteti professional”- u shpreh ministri Hoxha.
Cermonia e betimit të Ilir Prodës do të bëhet kur të zgjidhen edhe drejtuesit e tjerë të policive vendore në 12 qarqet e vendit. Konfirmimi i Ilir Prodës në detyrë u bë ditën e djeshme pas mbledhjes së Këshillit të Ministrave. Hoxha deklaroi për mediat, se ishin marrë të gjitha konfirmimet sa i takon pastërtisë së figurës së Prodës.
Karriera e Ilir Prodës ndër vite:
2002-2005 Akademia e Policisë
-Gusht 2005-Nëntor 2011 Komisariati Nr.3 Tiranë
-Nëntor 2011-Mars 2012 Komisariati Nr.4 Tiranë
-Mars 2012-Qershor 2013 Drejtoria e Përgjithshme e Policisë së shtetit, seksioni kundër krimeve ndaj jetës dhe lirisë së personit
-Qershor 2013- Tetor 2013 në Policinë e Lezhës
-Tetor2013- Dhjetor 2014 Shef Komisariati Nr.2 Tiranë
-Dhjetor 2014- Shkurt 2016 Shef Komisariati Bulqizë
-Shkurt 2016 – Maj 2017 Seksioni për hetimin e narkotikëve në Drejtorinë e Përgjithshme të Policisë së Shtetit
-Maj 2017- Korrik 2019 Drejtoria e Përgjithshme, Njësia për hetimin e krimeve kundër personit dhe pasurisë
-Korrik 2019 – Tetor 2021 Zv.Drejtor për hetimin e krimit në Korçë
-Tetor 2021- Mars 2023 Zv.Drejtor për hetimin e krimeve në Elbasan
-Mars 2023 Drejtor i Drejtorisë Vendore i Policisë së Elbasanit. Versus.al
