Policia e Tiranës ka dalë me një sqarim sa i takon një përplasje mes një efektivi policie dhe një shoferi të një automjeti që u largua nga vendngjarja pasi kishte shkaktuar aksident. Në pamjet e publikuara në rrjetet sociale, shoferi dukej i dhunuar.
Shoferi i identifikuar si F.Gj më datë 5 dhjetor ka shkaktuar një aksident me një makinë që drejtohej nga shtetasja R.M. Fillimisht ai u largua nga vendngjarja, më pas u kthye për t’u konfliktuar me këtë të fundit.
Një prej efektivëve të policisë ka ndërhyrë për të qetësuar situatën, por shoferi F.GJ ka nisur ta ofendojë dhe gjatë përpjekjes për ta arrestuar, efektivi i policisë është goditur me grusht.
Aktualisht shoferi ka një raport mjekësor 10 ditor pasi në momentin kur ndodhi ngjarja rezultoi të kishte qenë nën efektin e alkoolit. Versus.al
