Teksa po zhvillohej protesta për vrasjen e 14 vjeçarit, M.C, nga bashkëmoshatari i tij, një sherr tjetër me thikë i nisur sërish për motive banale, ku i plagosur mbeti Aron Demiraj, 20 vjeç, tronditi sërish kryeqytetin.
Admir Demiraj, i ati i 20 vjeçarit ka zbuluar gjendjen shëndetësore e të birit që sipas mjekëve është jashtë rrezikut për jetën por i duhet kohë të marrë veten. Ai u shpreh se nuk e mendonte kurrë se kjo gjë mund ti ndodhte djalit të madh duke shtuar se kishte porositur mësuesen që ti kontrollonte çantën djalit të vogël se merrte ndonjë gjë që nuk duhej në shkollë.
“Djali im është 19-vjeç, studentë në vit të dytë për Inxhinieri Ekonomike. Unë e di ça djali kam rritur dhe edukuar, por sot të gjen e pabëra kot.
Sot më ndodhi mua, nesër dikujt tjetër, problem i madh është fakti që nuk ka fare siguri. Nuk mendoja se do më ndodhte kjo, kurrë në botë.
Unë duke porositur mësuesit që të kontrollojnë çantën e djalit vogël që e kam 12 vjeç që mos të marr ndonjë gjë që s’duhet në shkollë, për të madhin as që më kishte shkuar mendja fare se do i ndodhte kjo.
Mjekët më kanë thënë se është jashtë rreziku për jetën, por i duhet kohë ta marr veten. E takova pak më parë djalin, por u mallëngjeva, zura të qaj dhe nuk mund të flas me të. Më vjen keq për ata prindër ça djali kanë rrit, ai që ia bëri djalit tim këtë”, tha babai për Abc Neës.
Sherri mes autorit, 19-vjeçarit Ajdin Ajvazi dhe të plagosurit, 20-vjeçarit Aron Demiraj, nisi pas fjalëve: “Përse me bllokove rrugën, përse më sheh shtrembër”.
