Tiranë- Një sherr me thika ka ndodhur rreth 2 studentëve në qytetin “Studenti” gjatë mesditës së sotme.
Për pasojë njëri prej tyre i identifikuar si Aron Demiraj, 19 vjeç, ka mbetur i plagosur dhe është dërguar për trajtim mjekësor tek spitali i Traumës. Mësohet se ka marrë tre plagë me thikë në brinjë, qafë dhe shpatull.
Ndërsa autori është Ajdin Ajvazi. Policia ka rrethuar vendin e ngjarjes dhe po punon për zbardhjen e motivit të konfliktit të ndodhur pranë një lokali në qytetin “Studenti”.
"Më datë 21.11.2024, në Qytet Studenti, në rrugën "Sotir Kolea", gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve. Po punohet për sqarimin e rrethanave të ngjarjes", njoftoi policia.
Ngjarja vjen vetëm pak ditë pas një sherri makabër të ndodhur pranë shkollës "Fan Noli" ku një nxënës 14 vjeçar, vrau me thikë bashkëmoshatarin e tij. Versus.al
