Detaje të reja janë zbardhur nga ngjarja e zbardhur dy ditë më parë në rrugën “Gjon Muzaka” ku brenda një apartamenti të marrë me qira u gjet e vrarë me thikë 24 vjeçarja palestineze Rayyan Alëan.
Për ngjarjen u identifikua si autor dhe u shpall në kërkim 49 vjeçari Fadi Alëan i cili fillimisht u raportua të ishte bashkëshorti i viktimës.
Por me informacionet e zbardhura së fundmi, dyshimet janë se 49 vjeçari në fakt ka qenë babai i vajzës së vrarë me thikë. Arsyeja përse fillimisht u cilësuan si çift ishte mbiemri i njëjtë dhe prenotimi i dhomës së tyre për dy persona.
Të dhënat në fakt tregojnë se ata janë babë e bijë dhe dinamikat e ngjarjes ende nuk dihen. Vrasja dyshohet të ketë ndodhur më 22 shkurt, edhe pse trupi i pajetë u zbulua 5 ditë më vonë.
Pas ngjarjes, autori është larguar nga Rinasi drejt Greqisë dhe më pas dyshohet se është drejtuar për në Holandë e Gjermani ku edhe kishte shtetësinë. Grupi hetimor po vijon hetimet për të zbardhur dinamikën e plotë të ngjarjes mes palestinezëve që mbërritën në Shqipëri më 19 shkurt. Versus.al
