Vrasësi i dyshuar, 17-vjeçar që vrau dhe fshehu trupin e Maria Campai-t në Viadana, Itali ka tentuar të justifikohet gjatë marrjes në pyetje.
“Ramë dakord për 200 euro. Unë kisha 350 euro, ajo donte të gjitha”, u ka thënë ai hetuesve. Ndaj, sipas djalit me origjinë shqiptare, motivi do të ishte një kërkesë tepër e lartë për pagesë për seks. Por fjalët e vrasësit nuk i kanë bindën hetuesit për shkak të “dhunës së padëgjuar” të vrasjes.
“Nuk kam pasur kurrë një të dashur, më së shumti disa dashuri të pashpërblyera. Nuk ishte hera e parë që paguaja”, tha 17-vjeçari. Më tej, ai dha detaje për zgjedhjen e viktimës së tij, disi “të zgjedhur rastësisht”.
“E zgjodha në bazë të profilit, ajo nuk kishte foto. Kur e pashë, dukej ndryshe nga përshkrimi." Pas aktit të supozuar seksual, ka ardhur edhe sulmi, sipas vrasësit, pasi Maria Campai “i donte të gjitha paratë” që kishte, rreth 350 euro, rezultat i punëve të bëra gjatë verës.
Sipas fjalëve të të riut, viktima me të parë paratë e tij ka kërkuar që t'i marrë të gjitha. Pas refuzimit të saj, ai fillimisht e ka sulmoi gruan duke i vendosur duart rreth qafës dhe më pas e ka vrarë duke e mbytur.
“Doja ta rrëzoja pa ndjenja me parakrahin tim”, shpjegoi 17-vjeçarja. Megjithatë, ky version nuk duket se i bindë hetuesit të cilët, përkundrazi, besojnë se vrasja ishte rezultat i një reagimi të dhunshëm ndaj kërkesës së Marias për pagesë.
Më tej, policia i kërkoi të riut të tregonte përvojën e tij me seksin me pagesë. Vrasësi 17-vjeçar do të ishte përgjigjur se “nuk ishte hera e parë” që kishte kontaktuar me një prostitutë dhe se në këtë rast do të kishte zgjedhur “rastësisht” Maria. “Më kërkuan të kontrolloja telefonin tim dhe unë i autorizova. Në momentin që i dhashë pëlqimin vendosa të tregoj se çfarë kishte ndodhur”, deklaroi i riu.
Më pas ai do të fliste edhe për gjendjen e tij psikologjike, e cila sipas fjalëve të 17-vjeçarit ishte “jo e shëndetshme”. “Kisha bërë disa kërkime për të parë nëse kishte ndonjë ilaç që mund të shkaktonte mbytjen (...) Nuk mund të lidhem me njerëzit e tjerë dhe isha i sëmurë. Nuk kam menduar kurrë të shkoj te psikologu. Kam menduar për vetëvrasjen këto ditë”, tha 17-vjeçari.
