Kryeministri sllovak Robert Fico u shfaq në publik të premten për herë të parë që nga atentati të cilit i shpëtoi në muajin maj, duke mbajtur një fjalim kundër idelogjive progresive dhe duke mbështetur vizitën e liderit hungarez, Viktor Orban në Moskë.
Fico, i cili po shërohet pasi u qëllua katër herë nga një distancë e afërt në mes të majit, u shfaq në një ceremoni mbrëmjeje që shënonte Ditën e Shën Kirilit dhe Metodit, një festë publike në Sllovaki. Ai foli duke qëndruar në një podium në rrënojat e një kështjelle që daton mbi 11 shekuj.
Fico, një kryeministër katër herë majtist, i cili u kthye në pushtet pasi fitoi zgjedhjet shtatorin e kaluar, u qëllua kur përshëndeti mbështetësit në një mbledhje të qeverisë në qytetin qendror të Sllovakisë Handlova, duke bërë që t’i nënshtrohej një operacioni që zgjati me orë të tëra. Ai është duke u rikuperuar në shtëpi që nga fundi i majit.
Sulmi ka thelluar polarizimin në vendin me 5.4 milionë banorë të Europës Qendrore.
Fico të premten u kundërpërgjigj kundër ideologjive progresive dhe liberale që ai tha se po "përhapen si kancer" dhe po dëmtojnë vendin.
"Unë nuk dua që Sllovakia të jetë ndër vendet që bëjnë një karikaturë të qytetërimit perëndimor," tha ai.
Në një video-mesazh të postuar në Facebook në fillim të qershorit, Fico e kishte quajtur sulmuesin e tij një aktivist të opozitës, por tha se nuk ndjente urrejtje ndaj tij dhe nuk do të kërkonte dëmshpërblim.
Qeveria majtiste-nacionaliste e Ficos ka ndryshuar shpejt politikën që nga marrja e pushtetit vitin e kaluar, duke përfshirë ndryshimin e disa ligjeve penale dhe anulimin e zyrës së prokurorisë speciale, transformimin e transmetuesit publik dhe ndalimin e ndihmës ushtarake shtetërore për Ukrainën.Versus.al
