Presidenti i Shteteve të Bashkuara të Amerikës, Donald Trump ka përforcuar deklaratat e tij kundër pranisë së SHBA në aleancën ushtarake të NATO-s, duke e cilësuar këtë të fundit si “tigër prej letre”.
Trump tha se nuk është ndikuar kurrë nga aleanca dhe shtoi se edhe Vladimir Putin e di se ata nuk kanë asnjë fuqi.
“Oh po, do të thoja se është përtej çdo rishqyrtimi. Nuk u ndikova kurrë nga NATO. Gjithmonë e dija që ata ishin një tigër letre, dhe Putini e di këtë edhe unë, meqë ra fjala”, tha Trump pasi u pyet nëse do ta rishqyrtonte anëtarësimin e SHBA-së në NATO pas konfliktit në Lindjen e Mesme.
“Nuk keni as marinë. Jeni shumë të vjetër dhe keni pasur transportues aeroplanësh që nuk funksiononin”, shtoi ai duke iu referuar gjendjes së flotës së anijeve luftarake të Britanisë. Versus.al
