SHBA- Donald Trump, ish-president dhe njëkohësisht kandidati aktual i Republikanëve për të marrë sërish kreun e Shtëpisë së Bardhë, njihet për qëndrimet dhe politikat e tij kundër emigrantëve të paligjshëm, qëndrime të cilat është përpjekur t’i nxisë edhe në shtetet e BE.
Së fundmi, kandidati presidencial ka ashpërsuar gjuhën e tij politike ndaj emigrantëve të paligjshëm sa i takon emigrantëve të paligjshëm nga Meksika apo Amerika e Jugut të cilët hyjnë në SHBA për të bërë krime. Gjatë një takimi në Aurora të Denverit, ish-presidenti u zotua se do të përqendrohet në luftën ndaj bandave të dhunshme amerikano-jugore të cilat kanë marrë nën kontroll një pjesë të madhe të territorit duke mbizotëruar me akte të dhunshme.
“Çfarë po i bëjnë Kolorados? Ata po shkatërrojnë shtetin tuaj”, u shpreh Trump në hyrje të fjalimit të tij përpara se të vinte në shënjestër kundërshtaren e tij demokrate, nënpresidenten Kamala Harris.
“Kamala ka importuar një ushtri anëtarësh të paligjshëm bandash dhe kriminelë migrantë nga birucat e Botës së Tretë”, tha Trump.
"Unë do të shpëtoj Aurorën dhe çdo qytet që është pushtuar dhe pushtuar," vazhdoi ai, duke thënë se administrata e tij ose do t’i arrestojë të gjithë kriminelët ose do t’i përzërë nga SHBA-të, duke paralajmëruar se do t’i referohet një ligji të miratuar në 1798.
Për të mbështetur deklaratat e tij të ashpra, Trump përmendi disa krime të kryera nga emigrant të paligjshëm të cilët janë pjesë e bandave kriminale. Versus.al