Presidenti i Shteteve të Bashkuara, Donald Trump, ka deklaruar se nuk mbështet idenë e një armëpushimi me Iranin, gati tre javë pas nisjes së konfliktit mes dy vendeve.
Duke folur për mediat përpara nisjes nga Shtëpia e Bardhë drejt Floridës, Trump u shpreh i prerë: “Unë nuk dua një armëpushim. Nuk bëhet armëpushim kur po shkatërrohet plotësisht kundërshtari.”
Ai pretendoi se Shtetet e Bashkuara kanë neutralizuar kapacitetet kryesore ushtarake të Iranit, duke përfshirë flotën detare, aviacionin dhe sistemet e mbrojtjes kundërajrore. “Gjithçka është jashtë funksionit,” tha presidenti amerikan.
Trump theksoi se SHBA gëzon liri të plotë veprimi në terren, megjithëse pranoi se Irani vijon të bllokojë Ngushtica e Hormuzit, një nga arteriet më të rëndësishme të transportit global të naftës.
“Por nga pikëpamja ushtarake, ata janë të mbaruar,” përfundoi ai./ Versus.al
