Venezuela është në një situatë dramatike , tre ditë pas dy tërmeteve të fuqishme me magnitudë 7.2 dhe 7.5 të shkallës Rihter që rrafshuan zonat pranë kryeqytetit Karakas, me autoritetet dhe banorët që garojnë me kohën për të gjetur të mbijetuar në rrënoja.
Numri i të vdekurve është rritur në të paktën 920 , ndërsa më shumë se 51,000 persona mbeten të zhdukur, sipas shifrave të fundit. Të plagosurit kalojnë 3,300, ndërsa 243 persona janë shpëtuar deri më tani.
Operacionet e shpëtimit janë përqendruar kryesisht në shtetin La Guaira , ku ndodhet epiqendra e katastrofës, me autoritetet që njoftojnë se hyrja në zonë tani do të lejohet vetëm me leje të posaçme, duke përmendur kaosin dhe mbingarkesën e trafikut që po e vështirëson punën e ekipeve të shpëtimit.
Megjithatë, shumë banorë e kanë marrë përsipër të kërkojnë të dashurit e tyre, duke u ankuar për praninë e kufizuar të forcave shtetërore të shpëtimit në zonat e prekura rëndë. Pavarësisht premtimeve të qeverisë për një "mobilizim të fortë", pamja në terren mbetet zhgënjyese.
"Çdo person i shpëtuar është një mrekulli", tha Presidenti i Asamblesë Kombëtare Jorge Rodriguez , duke shtuar se "asgjë nuk do të fshihet rreth madhësisë së kësaj tragjedie".
. Në La Guaira, Nazareth Jimenez shpërtheu në lot ndërsa fqinjët përpiqeshin të çanin pllakat e çimentos me mjete për të arritur te të afërmit e saj të bllokuar.
"Zoti im, si do t'i nxjerrim që andej?" tha ajo me dëshpërim, duke kërkuar ndihmë dhe makineri të rënda nga shteti dhe bashkësia ndërkombëtare. "Ka ende njerëz gjallë atje brenda
???????? "El gobierno no nos ha apoyado. Hemos sido nosotros quienes hemos salvado a nuestras familias". Denuncian muchos venezolanos, que aseguran que la ayuda aún no llega.
— Alerta Mundial (@AlertaMundoNews) June 26, 2026
Han pasado ya más de 40 horas y muchas personas siguen atrapadas bajo los escombros. pic.twitter.com/K0CerrdQmw
